| الرئيسية | الأخبار | اتصل بنا |

Blog

اكو شاب يشتغل 12 ساعة؟؟ بدون مقابل؟ وليش؟

كتب : زياد طارق
كاعدين ساعة 5 ونص الفجر وطلعوا من البيت ساعة 6 الصبح ..
حتى يجمعون بالجمعية ساعه 6 ونص وينطلقوا ساعة 7 بطريق طويل
الى منطقه الوردية بقضاء المدائن أكثرهم مملحكين يتريكون كل تفكيرهم
أنهم يشتغلون ويقدمون أكبر مساعده ممكنه ساعة 8 أول مـا ينزلون مـن
الكوستر يبلشون يشتغلون ويشتغلون بدون اي تعب بـدون ملل بدون تذمر
أهم شي يخلصون بـيـت عائلة أم ياسر حتى تفرح وتعيش مرتاحة وتـبـات
الليلة بأجمل شعور جوه سگف آمـن ساعة 2 يصلّون ويتغدون بسرعة ..

11924759_983683228362989_4733979156206365078_n

ويرجعون يكملون شغلهم بدون اي راحة ، ما واحد بيهم كال كافي تعبت
أريد أرجع للبيت او حـاره ما أشتغل . . وكلنا نعرف شلونها درجات الحرارة
هـالأيـام !! مـحـد جبرهم يـجـون بـس أكـو شي عدهم ميزهم عن البقية
اللي هو الضمير الإنساني لخدمة الغير وللمساعده والأشتياق بالنهاية
يشوفون فرحة يتيم ، فرحة أرمله ، واليوم شافو دموع الفرح من أم ياسر
بـجـت هـواي مثل شلال يقطر آمان وأرتياح گالت “هم كلش جبير أنزاح من
قلبي واخيراً راح أعرف أعيش أني وجهالي براحة جوه سگف آمـن من الحـر
والبـرد . . صـارت ساعه 6 ونص المغرب كملوا شغلهم وصـار ﻻزم يرجعون
لبيوتهم ودعوا العائلة وسلمولها البيت كامل . وصعدوا غراضهم والأبتسامات
على وجوهم ما مبين عليها التعب بعد يـوم من العطاء فرحانين بدعاء الارملة
الهم . . دعـت ” الله يطيهم ‫#‏قصر_بالجنة‬ ”

زيـن سؤالي بعد كل هـاي القصة !!
أكـو شـاب يشتغل 12 ساعة !!
بدون مقابل ؟ وليش ؟

بمشاعر المتطوعة . .
فاطمة الوردي من قصص
المهمة 91 بيت أم يـاسـر
نسخة الى تأريخ وطننا الحبيب ♥ ‪#‎iraqbuilders‬

IRAQ Builders

Leave a Comment